O‘quvchilar

free counters

“Germaniya haqida eng yaxshi jurnalistik material” tanlovi

Moygorod.deGermaniya Federativ Respublikasining O’zbekistondagi elchixonasi O’zbekiston jurnalistlari orasida quyidagi to’rt nominatsiya bo’yicha tanlov e’lon qiladi:

1. Germaniya haqida gazetada chiqqan eng yaxshi tahliliy maqola

2. Germaniya haqida efirga chiqqan eng yaxshi tahliliy TV-material

3. Germaniya haqida efirga chiqqan eng yaxshi tahliliy radio-material

4. Germaniya haqida internetda chiqqan eng yaxshi tahliliy maqola

>>>

Jamoatchilik joylaridagi san’at

art-gorodGyote-Instituti Toshkent “Art Gorod” (“Raum fuer Raum”) nomli davomli va bir necha bosqichli loyihani amalga oshirishishini e’lon qildi. Loyihadan asosiy maqsad Sharqiy Yevropa va O’rta Osiyoda zamonaviy san’at taraqqiyotining yangi imkoniyatlarini kashf etishdan iborat bo’lib, u 2010-yil kuzidan 2011-yil qish fasliga qadar davom etadi. Shuningdek, jamoatchilik joylariga nisbatan shahar taraqqiyotiga yo’naltirilgan manba sifatidagi qarashni shakllantirish ham loyihaning bosh g’oyalaridan biridir. “Art Gorod” loyihasi madaniyat sohasida qaror qabul qiluvchi rassomlar, rahbarlar hamda san’atshunoslarning umumiy forumi hisoblanadi.

Loyiha doirasida yosh rassomlar, o’zlashtirishi yaxshi bo’lgan talabalar hamda yaratuvchanlik sanoati vakillariga qaratilgan master-klass ham o’tkaziladi. Master-klass 27-30-oktabr kunlari mobaynida bo’lib o’tadi.

Batafsil ma’lumotni rus tilida o’qishingiz mumkin.

“Journalisten International” stipendiyali dasturi

polsoz.fu-berlin.deJurnalistlar uchun stipendiyali dastur «Journalisten International» Berlin Ozodlik Universiteti (Freie Universitaet Berlin) qoshida joylashgan Journalisten-Kolleg tomonidan har yili e’lon qilinadi. Unda qatnashish nemis tilini juda yaxshi bilish hamda jurnalistika bo’yicha professional bilim va malakaga ega bo’lishni talab etadi.

Ushbu malaka oshirish dasturida quyidagi davlatlardan 35 yoshgacha bo’lgan yosh jurnalistlar ishtirok etishlari mumkin: Belorusiya, Rossiya, Ukraina, Moldaviya, Qozog’iston, Qirg’iziston, Tojikiston, Turkmaniston, O’zbekiston, Gruziya, Armaniston, Ozarbayjon.

Dastur davomida jurnalistlar 6 hafta Internationalen Journalisten-Kolleg seminarlarida nazariy bilimlarga ega bo’lishsa, yana keyingi olti hafta ichida Berlindagi televideniye, radio, gazeta yoki online tahririyatlariga borishib, Germaniya OAV bilan yaqindan tanishishadi. Bundan tashqari bir hafta davomida  Germaniyaning boshqa shaharlariga sayohat qilish ham ko’zda tutilgan.

Batafsil ma’lumotni rus tilida o’qishingiz mumkin.

Nemis jurnalining modadagi yangicha PR yondashuvi

Brigitte-coverBugungi moda olami vakillari go’zallik sifatida xipcha belli, ozg’in, baland bo’yli, yuzlari tiniq, chiroyli va yosh ayollarni, ya’ni modellarni taqdim etayotgan bir paytda Germaniyadagi mashhur modalar jurnali “Brigitte” go’zallik haqidagi bunday tasavvurlarni tamomila o’zgartirib yubordi. Endilikda jurnal muqovalarida professional modellar emas, balki oddiy ayollar mashhur firma va kompaniyalar mahsulotlarini namoyish etishmoqda.

Germaniyaning InWEnt tashkiloti tomonidan xalqaro jurnalistlar uchun tashkil etilgan Yozgi akademiyadagi ishtirokim davomida buning guvohi bo’ldim. Dastur doirasida turli davlatlardan tashrif buyurgan bir guruh yosh jurnalistlar “Brigitte” tahririyati xodimlari bilan uchrashib, jurnal faoliyati bilan yaqindan tanishishdi.

>>>

Germaniya haftaliklari doirasida nemis tiliga oid ko’rgazma

Deutschlandwoche 2010Kecha poytaxtimizdagi Yoshlar ijod saroyida „Man spricht Deutsch” – „Nemis tilida gaplashadilar” ko’rgazmasi o’z ishini boshladi. Gyote-instituti tashabbusligida tashkil etilgan ushbu ko’rgazma O’zbekiston madaniyati va san’ati forumi jamg’armasi hamda Yoshlar ijod saroyi bilan hamkorlikda “O’zbekistonda Germaniya haftaliklari” doirasida namoyish etilmoqda.

>>>